काठमाडौं २२ माघ । नेपाल टेलिकमले जिएमएस प्रिपेड मोबाइलमा ग्राहकलाई ब्यालेन्स सकिँदा सापटी दिने सेवा आरम्भ गरेको छ।
टेलिकमले १४ औं वाषिकोत्सवको अवसरमा ‘नमस्ते क्रेडिट’ नाम दिएर यो सेवा सुरु गरेको हो।
यो सेवामार्फत् प्रिपेड ग्राहकले फोन गर्दागर्दै पैसा सकिएमा पुनः रिचार्ज नगरी नै कुराकानीलाई निरन्तरता दिन सक्छन्। ग्राहकले पैसा सकिएपछि कुरा गरेको समय बराबरको रकम पछि रिचार्ज गर्दा काटिनेछ।
वार्षिकोत्सव अवसरमा ‘सफ्ट लञ्च’ गरिएको यो सेवाको एक महिनाभित्र पूर्ण कान्यन्वयन हुने बताइएको छ। सापटी सेवा कति रकमसम्मको तोक्ने भन्ने निश्चित हुन बाँकी छ।
