इन्द्रेणी संवाददाता
चितवन १८ पुस । मुग्लिन–नारायणगढ सडकखण्डमा आजदेखि रातको समयमा फेरी बन्द हुने भएको छ । सडक मर्मतका लागि अहिले भित्तो काट्ने काम बाँकी रहेकाले राति १० देखि बिहान ४ बजेसम्म सवारी रोकेर काम गर्न लागिएको प्रमुख जिल्ला अधिकारी नारायणप्रसाद भट्टले जानकारी दिए।
राति सडक बन्द हुने भएकाले काठमाडौंबाट आउने रात्रिबसलाई राति १० बजेअघि नै मुग्लिन पार गरिसक्न ट्राफिक प्रहरीले अनुरोध गरेको छ।
