
काठमाडौं, २० असोज। सत्ता साझेदार दल माओवादी र प्रमुख प्रतीपक्षी दल एमालेबीच चुनावी तालमेल र पार्टी एकीकरण निर्णय भएपछि बसेको नेपाली कांग्रेस केन्द्रीय समितिको पहिलो बैठक स्थगित भएको छ।

माओवादीले एमालेसँग गठबन्धन गर्ने सार्वजनिक गरेपछि आगामी संसद र प्रदेशको निर्वाचनमा वाम गठबन्धनसँग प्रतिष्पर्धा गर्न मिलेसम्मका पार्टीलाई लिएर अर्को गठबन्धन तयार गर्नुपर्ने र माओवादीलाई सरकारबाट निकाल्नु पर्ने दबाब कांग्रेसभित्र छ ।
