इन्द्रेणी संवाददाता
रोल्पा, २५ जेठ
रोल्पामा ट्याक्टर दुर्घटना हुँदा ३ जना घाइते भएका छन ।
जिल्लाको सुलिचौरबाट बालुवा लिएर अरेसतर्फ जादै गरेको लु १ ट ४२६१ नम्बरको ट्रयाक्टर अरेस १ चिन्नेपाखामा दुर्घटना भएको हो ।
दुर्घटनामा घाइते हुनेहरुमा अरेस ८ का २८ वर्षीय दमी घर्ती, सोही ठाउँकै २४ वर्षीय गिता रोका र उहाँका दुई वर्षका छोरा रेशम रोका रहेका छन् । उनीहरुको सुलिचौर स्थित जिवन अनमोल हस्पिटलमा उपचार भइरहेको छ ।
ट्याक्टर उकालोमा चढ्ने क्रममा ट्रली भाच्चीएर दुर्घटना भएको र थप अनुसन्धान भइरहेको इलाका प्रहरी कार्यालय सुलिचौरले जनाएको छ ।।
