काठमाडौं, १४ पुस । महानगरीय प्रहरी अपराध महमाशाखाले सात किलो सुनसहित एक जनालाई पक्राउ गरेको छ । महाशाखाको टोलीले हिजो बेलुका सात किलो सुनसहित रसुवाको कुलसाङ लामालाई कलंकीबाट पक्राउ गरेको प्रहरीले जनाएको छ ।
पक्राउ परेका लामाले भन्सार छलेर रसुवागढी नाकाबाट धादिङ हुँदै सुन काठमाडौं भित्र्याएको अपराध महाशाखाका प्रमुख एसएसपी सर्वेन्द्र खनालले जानकारी दिए ।
त्यो ठूलो परिमाणमा सुन कनि र कसरी ल्याउन लागिएको विषयमा अनुसन्धान शुरु गरिएको प्रहरीले बताए पनि उनी कसैको भरिया भएर सुन ल्याउन लागेको अनुमान गरिएको छ । उक्त सुन अहिलेको नेपाली बजार भाउमा साढे ३ करोडबराबरको हुन आउछ ।
