२९ भदौ, वीरगञ्ज । पर्साको पिपरारी गाविसमा पर्ने औराह खोला किनारमा भारतीय बालुवा तस्कर र नेपाली सुरक्षाकर्मीबीच झडप भएको छ । झडपमा प्रहरीसहित दुई जना घाइते भएका छन् ।
![wflbª lhNnf l:yt k[YjL/fhdfu{ kf]v/ vf]nfsf] bf]efg ghLs} lqz'nL vf]nfdf jf9L cfPsf] df}sf 5f]kL :yfgLox? Vff]nfjf6 cglws[t ?kdf afn'jf lgsfNb} . tl:a/ Mk|bLk/fh jGt,/f;;](http://indrenionline.com/wp-content/uploads/2016/08/baluwa_taskari-300x175.jpg)
५० जना भन्दा बढीको समूहमा आएका बालुवा तस्करहरुले नेपालतर्फको नदी किनारमा बालुवा उत्खनन गरेका थिए । त्यसलाई नेपाली प्रहरीले रोक्न खोज्दा तनाव भएको हो ।‘नेपाल प्रहरी र सशस्त्र प्रहरीको मोबाइल गस्ती गएको थियो । उनीहरुले रोक्न खोज्दा ढुंगामुढा गरेपछि झडप भएको हो’ पर्साका प्रमुख जिल्ला अधिकारी केशवराज घिमिरेले जानकारी दिएका छन् ।
उनका अनुसार तस्करहरुले ढुंगा हानेपछि नेपाली सुरक्षाकर्मीले पनि अश्रुग्यास हानेर स्थिति नियन्त्रणमा लिएका छन् । झडपका क्रममा सशस्त्र प्रहरीका एक जवान घाइते भएका छन् । एक तस्कर पनि घाइते भएको बताइएको छ ।
