बाँके, १७ भदौ ।
भारतवाट कमाइ गरेर घर फर्किदै गरेका सल्यानका एक जनाको वाँकेमा मृत्यु भएको छ । भारतको भरारी भन्ने ठाउँवाट काम गरेर घर फर्किदै गरेका दाजुभाइलाइ नेपालगन्ज नाकावाट पिछा गरेका २ जना युवाले नसालु पदार्थ खुवाएका थिए ।
पैसा लुट्नका लागि बेहोश गराउन कोकमा मिसाएर खुवाइएको नसालु पदार्थले दाजु शीतल रानाको मृत्यु भएको छ भने भाइ वीरबहादुर गम्भिर विरामी पर्नुभएको छ । बेहोश अवस्थामा फेला परेका भाइ वीरबहादुरलाई प्रहरीको निगरानीमा राखेर उपचार गराइएको छ ।
कोहलपुर–६ मा सिक्टा नहरनजिक स्थानीयले ति दाजुभाइ पल्टेको देखेपछि प्रहरीलाइ जानकारी गराउँदा घटनावारे जानकारी भएको हो । तीन महिनाअघि भारत पुगेका र केही रकम कमाइ गरेर घर फर्किदा दाजु र पैसा गुमाउनुपरेको वीर वहादुरको भनाइ छ ।
उहाँको कोहलपुर शिक्षण अस्पतालमा उपचार भएको वाँके प्रहरीले जनाएको छ । भारतका विभिन्न ठाउँमा कमाइ गरेर फर्किने नेपालीहरु बीच बाटोमा लुटिने गरेका छन ।।
