दाङ, १३ भदौ ।
न्यू स्टार फुटबल क्लब नारायणपुरको आयोजनामा नारायणपुरमा भएको विद्यालय स्तरिय फुटबल प्रतियोगीतामा उच्च मावि नारायणपुर विजयी भएको छ । हिजो भएको फाईनल खेलमा पपउमावि भरतपुर घोराहीलाई पराजीत गर्दै उच्च मावि नारायणपुर विजयी भएको हो ।
निर्धारित समयमा गोलरहित बराबरी भएपछि पेनाल्टी सुटआउटमा ३ विरुद्ध ४ गोलले उच्च मावि नारायणपुर विजयी भएको थियो । प्रतियोगीतामा जिल्लाका ८ वटा टिमको सहभागीता रहेको थियो । विजयी एवं दोस्रो हुने विद्यालयलाई नगद, प्रमाणपत्र, ट्राफी र मेडल प्रदान गरिएको क्लबका अध्यक्ष खुमबहादुर वलीले जानकारी दिनुभयो ।
