घोराही, १३ पुस । नेपाल मगर संघ दाङले माघी संक्रान्तिमा बिदा कटौती गरिएको बिरोधमा जिल्ला प्रशासन कार्यालय दाङ मार्फत् बिहीबार ज्ञापनपत्र बुझाएको छ ।
प्रमुख जिल्ला अधिकारी गोबिन्दप्रसाद रिजाल मार्फत् प्रधानमन्त्री तथा गहृमन्त्रीलाई बिदा कटौती गरिएको भन्दै नेपाल मगर संघले ज्ञापनपत्र बुझाइएको हो ।
नेपाल सरकारले माघी संक्रान्तिमा बिदा कटौती गरिएको बिरोधमा ज्ञापनपत्र बुझाइएको हो । नेपाल मगर संघका अध्यक्ष खलुप्रसाद पुन मगरको नेतृत्वमा माघी संक्रान्तिमा दिदै आएको बिदालाई कटौती नगर्न भन्दै ज्ञापन पत्र बुझाइएको हो । अध्यक्ष पुन मगरले प्रमुख जिल्ला अधिकारी रिजाललाई ज्ञापनपत्र बुझाएका थिए ।
