इन्द्रेणी संवाददाता
दाङ, ७ भदौ ।
दाङमा जर्वजस्ती करणी मुद्धामा अदालतवाट सजाय सुनाइएका तर फरार रहेका एक अभियुक्त पक्राउ परेका छन । २०७१ साल असोज १५ गते दाङ घोराही नगरपालिका १ सर्रा स्थित रोल्पा डुबिडाँडा ३ घर भई सर्रामा बस्दै आएकी एक महिलालाइ जर्वजस्तीकरणी गरेको अभियोगमा सर्रामा वस्दै आएका २० वर्षका दुर्गा चौधरीलाइ प्रहरीले पक्राउ गरेको हो ।
चौधरीलाई रोल्पा दुविडाँडाकी एक ३५ वर्षकी महिलालाइ सामुहिक वलात्कार गरेको अभियोग लागेको छ । सामुहिक जवरजस्तिकरणी गरेको मुद्धामा पिडितको जाहरीले जिल्ला अदालत घोराहीले २०७३ असार ६ गते घोराही नगरपालीका वडा नं. १ सर्रा बस्ने १९ वर्षका गुरु प्रसाद चौधरी, २० वर्षका प्रदिप चौधरी र १९ वर्षका बिक्रम चौधरीलाइ सफाइ दिएको थियो ।
यस्तै पुनरावेदन अदालत तुल्सीपुर दाङको गत जेठ ११ गतेको फैसलाले पवन डि.सी.र चौधरीलाई १० वर्ष कैद सजाय तोकेको थियो । कैद समाय तोकिएका चौधरीलाई जिल्ला प्रहरी कार्यालय घोराही दाङबाट खटिएको बिशेष प्रहरी टोलीले पक्राउ गरेको हो । उनलाई आवश्यक कार्वाहीको लागी दाङ देउखुरी जिल्ला अदालत घोराही दाङ पठाईने दाङका प्रहरी प्रमुख एसपी धिरजप्रताप सिंहले जानकारी दिनुभयो ।।
