दाङ। दाङको घोराहीमा किराना पसलमा आगलागी हुँदा चार वटा पसलमा क्षति पुगेको छ । बुधवार साँझ करिव साढे ८ बजेतिर आगलागी हुँदा घोराही उपमहानगरपालिका –१५ ट्राफिक चोकमा रहेका चार वटा किराना तथा तरकारी पसलमा क्षति पुगेको हो ।
साँझको समयमा पसल बन्द गरेर घर गइसकेको समयमा आगलागी हुँदा एउटा पसल जलेर नष्ट भएको जिल्ला प्रहरी कार्यालय दाङका सूचना अधिकारी एवं प्रहरी नायव उपरीक्षक चक्रबहादुर शाहले जानकारी दिएका छन् । अन्य पसलमा भने सामान्य क्षति भएको छ ।
पसलमा लागेको आगो घोराही उपमहानगरपालिकाको दमकलसँगै नेपाल प्रहरी र स्थानीयले नियन्त्रणमा ल्याएको थियो । पसलमा आगलागी कसरी भयो र के कति क्षति भयो भन्ने विवरणआउन बाँकी रहेको प्रहरीले जनाएको छ ।
