देउखुरी । नवनिर्वाचित प्रदेश सभा सद्स्य इन्द्रजित थारुको जितमा देउखुरीबासीले खुसियाली मनाएका छन । निर्वाचन जितेपछि मतदातालाई धन्यबाद दिन आफ्नो निर्वाचन क्षेत्र पुगेका थारुलाई स्थानीयले फुलमाला लगाएर भव्य स्वागत गरेका छन।
सामान्य किसान परिवारमा जन्मिएर राज्यको महत्वपूर्ण जिम्मेवारीमा पुगेका भन्दै उनिहरुले देउखुरीको विकासका लागि शुभकामना व्यक्त गरे । जितको खुसियाली मनाई रहेका स्थानीयले एकआपसमा अबिराआवरण गरेर बधाई साटासाट गरेका थिए ।
स्वागतका क्रममा सम्बोधन गर्दै प्रदेश सभा सदस्य थारुले आफ्नो जित व्यक्तिगत नभई सम्पुर्ण देउखुरीबासीको जित भएको बताउनुभयो ।साथै उहांले ५ वर्ष भित्र मतदाताले भोट दिएकोमा गर्व लाग्ने गरि काम गर्ने बताउनुभयो ।
