बाँदरमुढेमा प्रचण्डले भने – ‘‘यो घटना भुलवस भयो, म सधै पीडितकै पक्षमा छु’’

भरतपुर, १० मंसिर । सशस्त्र जनयुद्धका वेला भएको बाँदर मुढेका मृतकहरुको सम्झनामा नेकपा माओवादी केन्द्रका अध्यक्ष प्रचण्डले श्रद्धाञ्जली अपर्ण गरेका छन् ।

आइतबार बिहानै माडीको बाँदरमुढे स्मारकमा पुगी सशस्त्र द्वन्द्वको क्रममा ज्यान गुमाएका सर्वसाधारणको स्मारकमा पुष्पागुच्छा अर्पण गरेका थिए ।
पुष्पागुच्छा अर्पण गर्दै अध्यक्ष प्रचण्डले बाँदरमुढे घटना सशस्त्र द्वन्द्वको क्रममा भुलवस् घटेको सबैभन्दा ठूलो घटना भएको बताए ।

बाँदरमुढेका पीडितप्रति आफ्नो सधै सम्मान रहेको बताउँदै प्रचण्डले पीडित परिवार र मृतकहरुका पक्षमा दीर्घकालिन प्रकृतिका काम गर्ने प्रतिवद्धता जनाए ।