इन्द्रेणी संवाददाता
दाङ ८ साउन । धन कमाउने मिठो सपना बोकेर विदेश छिरेका दाङका एक युवक बेपत्ता भएका छन् । नेपालमा भएको गरिबी र बेरोजगारीका कारण धन कमाउने सपना बोकेर झन्डै २८ महिना अघि मलेसिया पुगेका घोराही १२ गुर्जेका भिमसेन खड्का गत जुलाई ४ तारिकका दिन नेपाल जान्छु भनेर हिडेका थिए ।
घर हिड्नु भन्दा अघि घरमा परिवार संग सम्पर्क गर्दा ७/ ८ महिना पछि आउछु भनेको । घरमा नेपाल फर्कने बारे कुनै जानकारी नभएको तर मलेसिया मै काम गर्ने आफ्नै गाउँको साथी लाई सम्पर्क गर्दा नेपाल जान्छु भनेर उ त गैसक्यो रे भन्ने खबर आफुले पाएको खड्काकी पत्नी सीता खड्काले बताइन ।
घर जान्छु भनेर मलेसियाबाट हिडेको झन्डै आधामहिना बिति सक्दा पनि आफ्ना घर परिवार संग कुनै सम्पर्क नभएकाले खड्का परिवार चिन्तामा डुबेको छ । खड्काकी पत्नी सिता खड्काले आफ्नो पतिलाई खोजि कार्यमा सहयोग गरिदिन सबैमा अनुरोध गरेकी छिन । खड्काका घरमा श्रीमती र एक २ बर्षिया छोरी छन् ।
