इन्द्रेणी संवाददाता
दाङ, १३ मंसिर । संस्थागत विद्यालयहरुको छाता संगठन प्याव्सन घोराही नगर समितिले ‘प्याब्सन घोराही रनिङ सिल्ड २०७९’ आयोजना गर्दैछ । रनिङ सिल्ड मंसिर १५ गतेदेखि १७ गतेसम्म तीन दिन चल्नेछ ।
पत्रकार सम्मेलनमा रनिङ सिल्डबारे जानकारी दिदै प्याव्सन घोराही नगर समितिका अध्यक्ष विरेन्द्र चन्दले आजका दिनसम्म करीव ३६ वटा स्कूलले खेलमा सहभागीताका लागि नाम दर्ता गराइसकेको र यस क्षेत्रभित्रका रहेका करीव ९० प्रतिशत संस्थागत विद्यालय खेलमा सहभागी हुने अपेक्षा व्यक्त गरे ।
रनिङ सिल्डअन्तर्गत भलिबल छात्र, कपडी छात्रा, दौड १००, २००, ४००, ८०० र १५०० मिटर छात्र/छात्रा, रिले दौड, लङजम्प, ट्रिपलजम्प, हाइजम्प छात्र/छात्रा, सटफुट, ज्याब्लिङ थ्रो छात्र/छात्रा खेल हुने छन् । त्यस्तै कक्षा ७ सम्मका विद्यार्थीका लागि ६० मिटर दौड छात्र/छात्रा, लङजम्प छात्र/छात्रा हुने छन् ।
खेलको उद्घाटनका दिन घोराहीका विभिन्न चार स्थानबाट विद्यार्थीसहितको ¥यालीको आयोजन गरिने र खेल मैदान भरतपुरमा पुगी मार्च पास गरिने अध्यक्ष चन्दले जानकारी दिए । सिल्डमा विजयीहरुलाई आकर्षक विभिन्न मेडल्सहरुको व्यवस्था गरिएको आयोजकले जनाएको छ । कार्यक्रममा नेपाल पत्रकार महासंघका अध्यक्ष दुर्गालाल केसीले रनिङ सिल्डको सफलताका शुभकामना दिएका थिए ।