दाङमा मतपत्र आइपुग्यो

दाङ, २० बैशाख । वैशाख ३० गते हुन लागेको पालिका चुनावका लागि दाङमा मतपत्र आइपुगेको छ । जिल्लामा मतदानका लागि आवश्यक मतपत्र निर्वाचन आयोगले पठाएको हो ।

मुख्य निर्वाचन अधिकृतको कार्यालयका अनुसार दाङमा चार लाख नौ हजार नौ सय दुई मतदाता रहे पनि चार लाख ४३ हजार मतपत्र जिल्लामा आएको छ । २०७४ सालको पालिका चुनावको तुलनामा अहिले एक लाख १८ हजार सात सय २८ मतदाता थपिएका छन् ।

मतदानको दिन नजिकिँदै जाँदा उम्मेदवारहरू चुनावी प्रचारप्रसारमा व्यस्त भएका छन् भने आयोग चुनाव लक्षित तयारीमा जुटेको छ ।