दाङका दश स्थानीय तहमा १ अर्ब ५४ करोड बेरुजु

इन्द्रेणी संवाददाता
दाङ, १२ भदौ । दाङका दश ओटा स्थानीय तहको बेरुजु रकम डेढ अर्ब बढी रहेको छ । महालेखा परीक्षणको कार्यालयले हालै सार्वजनिक प्रतिवेदनमा जिल्लाका दुई उपमहानगरपालिका, एक नगरपालिका र सात गाउँपालिकाको बेरुजु रकम १ अर्ब ५४ करोड २२ लाख ३४ हजार रहेको छ ।

वर्षेनी बेरुजु रकम उकालो लाग्दै गएपनि केही सैद्धान्तिक रकममा बेरुजु देखिएपनि अन्य रकम नबढेको स्थानीय निकायका जनप्रतिनिधिहरुको दावी छ । स्थानीय तहबाट निबृत्त हुने कर्मचारीहरुको निबृत्तपछि पाउने अनुदान, उपदानजस्ता सेवा सुविधाको रकमलाई पनि महालेखा परीक्षणको कार्यालयले बेरुजूमा राखेकाले स्थानीय तहको बेरुजु बढेको देखिएको घोराही उपमहानगरपालिकाका मेयर नरुलाल चौधरीले बताए ।

‘कर्मचारीहरुले निबृत्त भएपनि पाउने सेवा सुविधाको व्यवस्था कानुनमा स्पष्ट भएपनि त्यसलाई वेरुजुको रुपमा राख्ने गरिएको छ’, उनले भने, ‘यस्ता केही सैद्धान्तिक खालका बेरुजुमा देखिएका छन्, यसलाई कटौतिका लागि प्रयास भइरहेको छ ।’