चितुवाको छालासहित तीन जना पक्राउ

इन्द्रेणी संवाददाता
दाङ, ७ भदौ । दाङमा चितुवाको छालासहित तीन जना पक्राउ परेका छन् । जिल्ला प्रहरी कार्यालय दाङले प्रतिबन्धित चितुवाको छालासहित उनीहरुलाई पक्राउ गरेको हो ।

पक्राउ पर्नेहरुमा वैतडी जिल्ला पाटन नगरपालिका ६ बस्ने २० वर्षका विमल औजी, सोही ठाउँका २८ वर्षका प्रदीप कुमार विक र सोही ठाउँकै २० वर्षका हेमन्त औजी रहेका छन् । उनीहरुलाई गएको शनिवार कोहलपुरबाट दाङको लमहीतर्फ आउदै गरेको अवस्थामा पक्राउ गरेको हो ।

उनीहरुबाट ७ फिट ६ इञ्च लम्वाइ रहेको चितुवाको छाला बरामद गरेको छ । साथै प्रदेश ३–०१–०२३ च ७६३८ नम्बरको कार समेत नियन्त्रणमा लिएको जिल्ला प्रहरी कार्यालय दाङले जनाएको छ ।