लुकाइ राखेको अवस्थामा अबैध सालको काठ बरामद

इन्द्रेणी संवाददाता
दाङ, १३ साउन । प्रहरीले लुकाइ छिपाइ राखेको अवस्थामा अबैध सालको काठ बरामद गरेको छ ।

घोराही उपमहानगरपालिका १० नारायणपुरस्थित दुर्गा केसीको घरमा लुकाइ छिपाइ राखेको अवस्थामा २७ थान अर्थात ४५ क्यूफिट सालको काठ प्रहरीले बरामद गरेको हो ।

गोप्पे सूचनाका आधारमा केसीको घरमा खानतलासी गर्दा सो काठ फेला परेको जिल्ला प्रहरी कार्यालय दाङले जनाएको छ । कानुनी कारवाहीका लागि डिभिजन वन कार्यालय घोराहीमा पठाइएको प्रहरीले जनाएको छ । काठ प्रहरीले मंगलवार दिउँसो वरामद गरेको हो ।