चोरी मुद्दाका फरार अभियुक्त पक्राउ

इन्द्रेणी संवाददाता
दाङ, १५ असोज । दाङमा प्रहरीले मोटरसाइकल चोरी मुद्दाका फारार अभियुक्तलाई पक्राउ गरेको छ ।

पक्राउ पर्नेमा घोराही उपमहानगरपालिका वडा नं. १६ का अज्ञात पन्थी रहेका छन् । पन्थीलाई २०७६ कार्तिक १९ गते दाङ देउखुरी जिल्ला अदालतले मोटरसाइकल चोरीको अभियोगमा एक महिना कैद र ३० हजार जरिवाना तोकेको थियो ।

उनलाई विहीबार घोराही ३ सर्रामा लुकिछिपी वसेको अवस्थामा पक्राउ गरिएको जिल्ला प्रहरी कार्यालय दाङले जनाएको छ । उनलाई जिल्ला अदालतमा बुझाइएको जिल्ला प्रहरी कार्यालय दाङका डिएपी सुमित खड्काले बताए ।