बबई गाउँपालिका विद्यालय खोल्ने तयारीमा, बिद्यालयको अनुगमन शुरु

इन्द्रेणी संवाददाता
हापुरे, ९ असोज । दाङको बबई गाउँपालिकाले बिद्यालय सञ्चालनका लागि अनुगमन सुरु गरेको छ । असोज ११ गतेदेखि बिद्यालय सञ्चालनको तयारी गरेको गाउँपालिकाले विहीबारदेखि अनुगमन सुरु गरेको हो ।

बिद्यालयको अबस्थाका बारेमा गाउँपालिकाको टोलीले अनुगमन गरेको हो । गाउँपालिकाका अध्यक्ष भुबनेश्वर पौडेल, प्रमुख प्रशासकीय अधिकृत भिष्मकुमार मल्ल, शिक्षा शाखा प्रमुख मोहनलाल दाहालको सहभागीतामा बिद्यालयको अनुगमन गरिएको हो ।

पहिलो चरणमा जनकल्याण माबि पदमपुर, भानुभक्त माबि कौशिलापुर, सरस्वती माबि चरकमटिया, सुधा शाह आधारभुत बिद्यालय छाउनीडाँडामा गएर अनुगमन गरिएको छ । बिद्यालय सञ्चालन गर्दा पर्ने समस्या र यसलाई समाधान गर्ने गरी गाउँपालिकाको टोलीले अनुगमन गरेको हो ।