इन्द्रेणी संवादाता
दाङ, ३ असोज । दाङका प्रमुख जिल्ला अधिकारी गोविन्दप्रसाद रिजालले मुलुक संघीय प्रणालीमा गइसकेकाले पूराना कानुनहरु संशोधन गर्दै जानुपर्ने बताए । पुराना कानुनहरु अहिले नयाँ संरचना अनुसार उपयुक्त नभएको भन्दै संशोधन गर्नु विकल्प नभएको उनको धारणा थियो ।
रोटरी क्लब अफ तुलसीपुर सिटीका अध्यक्ष सुरेश हमालको अध्यक्षतामा भएको कार्यक्रममा प्रमुख जिल्ला अधिकारी रिजालको जीवनी र उनको व्यक्तित्वको बारेमा पूर्व अध्यक्ष तुफानबाबु श्रेष्ठले प्रकाश पारेका थिए ।
क्लबका प्रस्तावित अध्यक्ष यज्ञबहादुर केसीले स्वागत गरेको कार्यक्रममा निवर्तमान अध्यक्ष देवबहादुर केसी, शिव श्रेष्ठ पूर्वअध्यक्ष कुशल तर्ताल, अनुप कुमार श्रेष्ठ, बिमल रिजाल, ललित बहादुर घर्तीलगायतको सहभागीता थियो ।