इन्द्रेणी संवाददाता
दाङ, २९ भदौ । दाङमा आज सोमवार एकैदिन ४४ जनामा कोरोना संक्रमण देखिएको छ । राप्ती स्वास्थ्य विज्ञान प्रतिष्ठान घोराहीमा गरिएको नमूना पीसीआर परीक्षणमा ४४ जनामा कोरोना संक्रमण पुष्टि भएको हो।
त्यस्तै शान्तिनगर गाउँपालिकामा संकलन भएका ९३ नमूना परीक्षण गर्दा १७ जनामा कोरोना संक्रमण देखिएको हो भने बबई गाउँपालिकामा संकलन भएका २० ओटा नमूना परीक्षण गर्दा ८ जनामा कोरोना पुष्टि भएको हो । योसँगै दाङमा कूल संक्रमितको संख्या ९१९ पुगेको छ । जसमा ७४३ जना निको भएर घर फर्किएका छन् ।