कर्मचारीमा कोरोना देखिएपछि जिल्ला प्रशासन कार्यालय दाङको सेवा बन्द

दाङ, १६ भदौ । कर्मचारीमा कोरोना संक्रमण देखिएपछि जिल्ला प्रशासन कार्यालय दाङले सेवा बन्द गरेको छ ।

एक सूचना जारी गर्दै शान्ति सुरक्षा र मुद्धा लगायतका अत्याबश्यक सेवा बाहेक अन्य सबै सेवा भदौ १७ गतेदेखि बन्द गरिएको प्रमुख जिल्ला अधिकारी गोविन्दप्रसाद रिजालले बताएका छन् ।

अर्काे सूचना जारी नहुँदासम्म सेवा बन्द गरिएको प्रजिअ रिजालद्धारा जारी सूचनामा उल्लेख छ । प्रशासनमा स्थापन गरिएको जिल्ला आपतकालिन कार्य सञ्चालन केन्द्रमा कार्यरत एक कर्मचारीमा कोरोना संक्रमण देखिएको हो ।