महेन्द्र बहुमुखी क्याम्पसमा गरिएको तोडफोडप्रति नागरिक समाज दाङको गम्भीर ध्यानाकर्षण

इन्द्रेणी संवाददाता
दाङ, २७ साउन । नागरिक समाज दाङले महेन्द्र बहुमुखी क्याम्पस दाङमा कार्यरत आंशिक प्राध्यापकहरुले क्याम्पस प्रमुखलाई दुव्र्यवहार गर्नुका साथै क्याम्पसका भौतिक संरचना तोडफोड तथा आगजनी गरेको घटनाप्रति गम्भीर ध्यानाकर्षण भएको जनाएको छ ।

समाजका संयोजक चन्द्रराज पन्तद्धारा जारी विज्ञप्तिमा भनिएको छ, ‘बौद्धिक तथा प्राज्ञिक क्षेत्रको प्रतिनिधित्व गर्ने प्राध्यापक तथा क्याम्पसजस्तो स्थानमा क्याम्पस प्रमुखलाई दुव्र्यवहार गर्ने, नेमप्लेट, टेबुल कुर्सी जलाउने कार्य हुनु निन्दनीय छ । प्राज्ञिक मर्यादा नाघेर प्राध्यापकहरु नै यस्तो कार्यमा संलग्न भएको घटनाको नागरिक समाज दाङ भत्र्सना गर्दछ ।’

आगामी दिनमा आन्दोलन गर्दा या आफ्ना मागहरु राख्दा शान्तिपूर्ण रुपमा प्रस्तुत हुन पनि विज्ञप्तिमा आग्रह गरिएको छ ।