प्रकृतिको संरक्षण नै मानव जीवनको सुरक्षित आधार : शाक्य

इन्द्रेणी संवाददाता
दाङ, ६ साउन । प्रतिनिधीसभा सदस्य सुजिता शाक्यले मानव जीवन प्रकृतिसँग निर्भर रहेकाले प्रकृति संरक्षणमा ध्यान दिन जरुरी रहेको बताएकी छन् ।

मंगलवार दाङको घोराही– २ निमुरियास्थित गौरी सामुदायिक वन क्षेत्रमा आयोजित बृक्षारोपण कार्यक्रममा शाक्यले मानव बाँच्ने आधार नै प्रकृति भएको भन्दै वन संरक्षणले नै मानव जीवन र प्रकृतिको चक्रलाई स्वस्थ राख्ने धारणा राखिन् ।

उनले रोपिएका विरुवालाई संरक्षण गर्नु नै जीवन संरक्षण गर्नु भएको भन्दै चोरी, तस्कारी र विनासलाई पूर्णरुपमा रोक्न उपभोक्ताहरु नै सचेत हुनुपर्ने बताइन् । अब वनलाई आम्दानीसँग जोड्नुपर्ने र बैज्ञानीक ढंगबाट वनको संरक्षण र व्यवस्थापनमा ध्यान दिनुपर्ने पनि धारणा राखेकी थिइन् ।