दाङमा जिप दुर्घटना, एक जनाको मृत्यु, चार घाइते

इन्द्रेणी संवाददाता
दाङ, १ साउन । दाङमा आज जिप दुर्घटना हुँदा एक जनाको मृत्यु भएको छ भने चार जना घाइते भएका छन् ।  दाङको तुलसीपुरबाट  कपिलवस्तुको कृष्णनगर जाँदै गरेको रा १ च ९६२ नम्बरको वोलेरो जिप आज विहान घोराही ३ मसोट नजिकै दुर्घटना भएको थियो ।

दुर्घटनामा परी घाइते भएकामध्ये तुलसीपुर १५ का २२ वर्षका पदम वलीको उपचारका क्रममा राप्ती स्वास्थ्य विज्ञान प्रतिष्ठानमा मृत्यु भएको जिल्ला प्रहरी कार्यालय दाङले जनाएको छ । अन्य घाइते हुनेमा तुलसीपुर १५ का भिमबहादुर वली, देवराज वली, विशाल वली र गोपाल श्रेष्ठ छन् । घाइतेमध्ये श्रेष्ठको अवस्था गम्भीर रहेको प्रहरीले जनाएको छ । जिप अनियन्त्रित भएर सडकको भित्तामा ठोकिएको बताइएको छ । दुर्घटना विहान करीव साढे ५ बजेको समयमा भएको बताइएको छ ।