इन्द्रेणी संवाददाता
दाङ,१ जेठ । दाङको घोराही उपमहानगरपालिका ५ मा आज १२० बिपन्न घरपरिवारलाई खाद्यान्न वितरण गरिएको छ ।
कोरोना भाइरसको महामारीका कारण दैनिक जीविका चलाउन समस्या परेका वडाका अति विपन्न घरपरिवारलाई वडा कार्यालयले चामल, नून र हातधुनलाई सावुन वितरण गरेको घोराही उपमहानगरपालिका वडा नं. ५ का वडा सचिव लक्ष्मण अधिकारीले जानकारी दिए ।
वडा कार्यालयले पहिलो चरणमा विभिन्न संघसस्थाहरुको सहयोगमा वडाका २८५ विपन्न घरपरिवारलाई चामल, दाल,नून, तेल,सावुनलगायतका सामग्र्री वितरण गरेको थियो ।
