हाजिरीजवाफ प्रतियोगितामा तुलसी आमावि प्रथम

तुलसीपुर, १७ फागुन । तुलसीपुर उपमहानगरपालिका मावि स्तरीय हाजिरीजवाफको प्रतियोगितामा तुलसी आवासिय मावि प्रथम भएको छ । रेडियो हाम्रो पहुँच र भिक्टोरिया ट्युसन सेन्टरको संयुक्त आयोजनामा शनिबार तुलसीपुरमा भएको प्रतियोगितामा १८ विद्यालयलाई पछि पार्दै तु्लसी आवासीय मावि प्रथम भएको हो ।

उपमहानगरपालिका भित्रका १९ वटा विद्यालय सहभागि प्रतियोगितामा ग्यालेक्सी मावि द्धितिय भएको छ । त्यसैगरी सम्राट बोर्डिङ स्कुल तृतीय भएको छ । प्रतियोगितामा मेरी गोल्ड बोर्डिङ स्कुल सान्तोना भएको छ ।

प्रतियोगितामा प्रथम हुने तुलसी आवाशिय माविले ७ हजार १ सय ५ शिल्ड र प्रमाणपत्र, द्धितीय हुने ग्यालेक्सी माविले ५ हजार १ सय ५ शिल्ड र प्रमाणपत्र प्राप्त गरेको छ । त्यसैगरी प्रतियोगितामा तृतिय हुने सम्राट इंलिस बोर्डिङ स्कुलले ३ हजार १ सय ५ शिल्ड र प्रमाणपत्र र सान्त्वना हुने मेरी गोल्ड बोर्डिङ स्कुलले १ हजार १ सय ५ पमाणपत्र प्राप्त गरेका छन् ।