घोराही । दाङ चेम्बर अफ कमर्सको आयोजनामा माघ १० देखि घोराहीमा शुरु भएको ‘नेपाल भ्रमण वर्ष २०२० पर्यटन प्रबद्र्धन व्यापारिक एवं कृषि औद्योगिक महोत्सव–२०७६’ को एघारौं दिन चर्चित हास्यव्यङ्ग्य कलाकार कमल गाउँले र मोडल तथा गायिका प्रिती आलेले दर्शकलाई छमछमी नचाएका छन् ।
महोत्सवको अन्तिम दिन आउँन नजिकै रहँदा दर्शकहरुको उत्साह निकै देखिएको चेम्वर दाङका सचिव एवम् प्रचारप्रसार समिति संयोजक कुमारराज श्रेष्ठले बताउनुभयो । ‘शुरुका दिनहरुको तुलनामा पछिल्ला दिनहरुमा दर्शकहरुको सङ्ख्या राम्रो देखिएको छ,’ उहाँले भन्नुभयो, ‘महोत्सवमा हामीले राष्ट्रिय कलाकारहरुका साथै थुप्रै स्थानीय प्रतिभाहरुलाई स्थान दिएका छौं ।’