घोराही, १२ माघ । नेपाल लाइफ इन्स्योरेन्स कम्पनी दाङ शाखाले स्वर्गीय ऋषिराम रिजालको परिवारलाई शनिबार बिमा दावी भुक्तानी गरेको छ । घोराही उपमहानगरपालिका १५ का रिजालले ६ वर्ष अघि जीवन समृद्धि बिमा योजना अन्तर्गत ५० लाखको बिमा गर्नुभएको थियो ।
बिमा दावी बापतको रकम घोराही उपमहानगरपालिकाका प्रमुख नरुलाल चौधरी र शाखा प्रमुख अधिकारीले संयुक्त रुपमा स्वर्गीय रिजालको पत्नी इन्दिरा रिजाललाई हस्तान्तरण गरेका थिए ।
चेक हस्तान्तर पश्चात् नगर प्रमुख चौधरीले बिमाले बिना झञ्झट बिमितहरुलाई सेवा दिनुपर्ने बताए । घरमै आएर रकम दिँदा बिमा कम्पनीप्रति नागरिकहरुको विश्वास अझ बढेको बताउँदै उनले बिमाबाट पाएको रकमलाई सदुपयोग गर्न आग्रह गरे । रिजालको क्यान्सर रोगका कारण ४२ वर्षको उमेरमा निधन भएको थियो ।