तुलसीपुर ४ माघ । यही माघ १० गतेदेखि हुने तुलसीपुर महोत्सवमा करीव १५ करोडको आर्थिक कारोवार गर्ने आयोजकको लक्ष्य छ । तुलसीपुर उद्योग बाणिज्य संघका अध्यक्ष एवं महोत्सव मूल आयोजक समितिका संयोजक विरबहादुर रावत विरुले तुलसीपुरमा हुन लागेको महोत्सवले तुलसीपुरसहित पश्चिम दाङको विकासमा महत्वपुर्ण भुमिका खेल्ने बताए ।
उनले नेपालमा भ्रमण वर्ष २०२० चलिरहदा घुम्न जाऊँ तुलसीपुरको अभियानलाई सफल बनाउन समेत यो महोत्सवले अहम भूमिका निर्वाह गर्ने भन्दै जिल्लाको पर्यटकिय विकासमा समेत कोषे ढुगा सावित हुने बताए ।
पत्रकार सम्मेलनमासंघका निवर्तमान अध्यक्ष विमल रिजालले महोत्सवमा ५ लाख दर्शक सहभागी रहने १५ करोडको आर्थिक कारोबार हुने तथा १ करोड रुपैया बचत गर्ने अपेक्षा लिएको बताए ।