पत्रकार महासंघ दाङले आजदेखि ४ दिनसम्म विविध कार्यक्रम गरी स्थापना दिवस मनाउदै

इन्द्रेणी संवाददाता
दाङ, १ पुस । नेपाल पत्रकार महासंघ दाङ शाखाले आज पुस १ गतेदेखि ४ गतेसम्म विविधि कार्यक्रमको आयोजना गरी २७ औं स्थापना दिवस मनाउदै छ । जसअनुसार आज महासंघले रक्तदान कार्यक्रमको आयोजना गरेको छ ।

महासंघ घोराहीमा आयोजना गरिएको रक्तदान कार्यक्रम विहान ८ बजेबाट शुरु भएको छ । त्यस्तै पुस २ गते लमही स्थित क्रिकेट मैदानमा जनप्रतिनिधि र पत्रकारहरुबिच मैत्रीपूर्ण क्रिकेट प्रतियोगिता, पुस ३ गते तुलसीपुरमा पत्रकारहरुका लागि निःशुल्क आँखा शिविर र पुस ४ गते घोराहीमा पुरस्कार तथा सम्मान वितरण समारोह आयोजना गरिएको शाखा अध्यक्ष सविन प्रियासनले जानकारी दिएका छन् ।