Indrenionline.com

अझै ठूलो जनसमुदाय वित्तीय पहुँचबाट बाहिर : गर्भनर नेपाल

उदय बीसी
दाङ, ४ असोज । नेपाल राष्ट्र बैंकका गर्भनर डा. चिरञ्जीवी नेपालले मुलुममा अझै ठूलो जनसमुदाय वित्तीय पहुँचबाट वाहिर रहेको बताएका छन् ।

महिला सामुदायिक लघुवित्त सेवा केन्द्रको आज घोराहीमा उद्घाटन गर्दै  मुलुक संघीयतामा गएपछि विभिन्न बैंक एवं वित्तीय संस्थाहरु गाउँगाउँमा पुग्ने प्रयास गरेपनि अझै ठूलो जनसमुदाय वित्तीय पहुँचबाट वाहिर रहेको बताए । ‘मुलुकमा अझै ठूले जनसमुदाय वित्तीय पहुँचबाट वाहिर छ, अझै उनीहरुले पैसा कमाउछन् तर त्यो पैसा लगानी नगरेर घरमै राख्ने गरेका छन्‘, उनले भने, ‘तर पहिलोको भन्दा केही प्रगति भने भएको छ ।’

गर्भनर डा. नेपालले नेपालमा पनि ठूलो धन कमाउन सकिने भन्दै धन कमाउनका लागि विदेशै जानुपर्ने वाध्यता नभएको बताए । आफ्नै देशमा आर्थिक विकासको सम्भावना भएकाले विदेशी भूमिमा पसिना वगाउनुभन्दा स्वदेशमै काम काम गरेर मुलुकको आर्थिक संमृद्धि गर्न सकिने भन्दै रोजगारीका लागि दैनिक विदेशीरहेका युवाहरुलाई स्वदेशमै काम गर्न आग्रह गरे ।

नेपाल राष्ट्र बैंक, अन्य बैंक र विभिन्न वित्तीय संस्थाहरुले स्वदेशमा काम गर्नेका लागि लगानी गरिरहेको उल्लेख गर्दै नेपालले स्वदेशमा परिश्रम गर्ने बानीले मात्रै नेपाललाई भविश्यमा आर्थिक संमृद्धितर्फ लैजाने बताए ।