बस पल्टिदा १५ जना घाइते, ३ को अवस्था गम्भीर

इन्द्रेणी संवाददाता
दाङ, २० भदौ । दाङको घोराही–तुलसीपुर सडकखण्डमा बस पल्टिदा १५ जना घाइते भएका छन् । घोराहीबाट तुलसीपुरतर्फ जाँदै गरेको ग १ ख ४८५९ नम्बरको वस सर्रा नजिकै पल्टिएको जिल्ला प्रहरी कार्यालय दाङले जनाएको छ ।

दुर्घटनामा घाइते १५ जना मध्ये ३ जनाको अवस्था गम्भीर रहेको प्रहरीले जनाएको छ । घाइतेहरुको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ ।