इन्द्रेणी संवाददाता
दाङ, १९ भदौ । दाङको घोराही उपमहानगरपालिकाले एक वडा एक जलाशय निर्माण अभियानअन्तर्गत कृत्रिम जलाशयमा ४ करोड २५ लाख ३२ हजार ४ सय ७३ रुपैयाँ लगानी गरेको छ ।
त्यसैगरी वडा नम्बर १० मा रहेको डाँडागाउँ जलाशयमा ३५ लाख ४२ हजार ८ सय २ रुपैयाँ, वडा नम्बर १२ को जगखोली जलाशयमा ५४ लाख १७ हजार ३ सय ४३ रुपैयाँ, वडा नम्बर २ को वलरामपुर जलाशयमा ४ लाख १९ हजार ४ सय ५६, वडा नम्बर १६ को गंगटे जलाशयमा ४२ लाख ४१ हजार ३ सय ८ र वडा नम्बर ६ लखवार जलाशयमा २८ लाख २८ हजार ६ सय ४३ रुपैयाँ लगानी भएको छ । यी जलाशयमा जम्मा भएको पानीबाट स्थानीयले सिंचाइ सुविधा पाएका छन् ।
जलाशयले स्थानीयलाई सिंचाइ सुविधा दिनुका साथै दाङलाई निकट भविश्यमा खानेपानीका स्रोतहरु संरक्षण तथा पर्यावरणका लागि पनि सहयोग गर्ने उपमहानगरपालिकाले जनाएको छ ।