इन्द्रेणी संवाददाता
दाङ, ४ फागुन । घोराही उपमहानगरपालिका क्षेत्रभित्रका पुस्तक तथा स्टेशनरी व्यवसायीहरुले यही फागुन १५ गतेदेखि पुस्तकहरु शून्य प्रतिशतमा विक्री वितरण गर्ने भएका छन् ।
बैठकले आफ्नो पेशालाई मर्यादित बनाउदै यो निर्णयलाई फागुन १५ गतेदेखि नै कडाइका साथ लागु गर्ने निर्णय समेत गरेको छ । बैठकले यो निर्णय र अन्य स्टेशनरी सामानहरु समितिले निर्धारण गरेको मूल्यमा विक्री गरे नगरेको अनुगमन समेत गर्ने र कुनै व्यवसायीले निर्णय उलंघन गरेको पाइएमा पहिलो पटकका लािग १० हजार जरिवाना समेत गर्ने निर्णय गरेको छ ।
बैठकबाट क्षेत्रीय समितिको क्षेत्रभित्र कुनै व्यवसायीले माथि उल्लेखित पुस्तकहरु स्कूलमै पु¥याउने अथवा कुनै शिक्षकलाई एकमुण्ट रुपमा विक्री गर्न नपाउने र कुनै वाहिय व्यक्ति वा व्यवसायीले यस्तो कार्य गरेको पाइएमा उसको समान समेत जफत गरी कारावाही गर्ने निर्णय गरेको छ ।
कार्यक्रमको सहजीकरण गर्दै नेपाल पुस्तक तथा स्टेशनरी व्यवसायी महासंघ दाङशाखाका निवर्तमान अध्यक्ष घनश्याम बरालले यस क्षेत्रका सबै पुस्तक तथा स्टेशनरी व्यवसायीहरुको हकहितका लागि र यो व्यवसायलाई थप मर्यादित बनाउन यी निर्णयको व्यवहारिक कार्यान्वयन गर्न सहभागी व्यवसायीहरुलाई आग्रह गरे ।