सातकुलेमा स्वाथ्य शिविर

दाङ, २८ माघ । दाङको तुलसीपुर उपमहानगरपालिका वडा नं. १८ सातुकलेमा बृहत स्वास्थ्य शिविर सम्पन्न भएको छ ।

परिवार नियोजन दाङ, राप्ती आँखा अस्पताल, पन्थी डेन्टल क्लीनिक, सोनापुर सिमेन्ट क्षेत्रीय आयुवेद्ध चिकित्सालयकको सहयोग एवं स्थानीय हिमचुली बोडिङ स्कुलको संयोजनमा शिविर संचालन गरिएको थियो ।

शिविरको संघीय संसद सदस्य एवं पुर्व सामान्य प्रशासन मन्त्री रेखा शर्माले उद्घाटन गरेकी हुन् । शिविरको उद्घाटन गर्दै प्रमुख अतिथी शर्माले आधारभुत स्वास्थ्य नागरिकलाई निशुल्क प्रदान गर्नुपर्ने बताइन् ।

सर्वसाधारणलाई राज्यले नै निशुल्क स्वास्थ्य उपचार गर्ने कुरा मौलिक हकमै ग्यारेन्टी गरेको भन्दै त्यसको कार्यागर्न गर्न यस्ता स्वास्थ्य शिविरले सहयोग गर्ने उल्लेख गरिन् । शिविरमा स्त्री रोग, आँखाको उपचार, दाँत तथा यौन रोगको उपचार तथा परामर्श दिइएको थियो ।