टरिगाउँ विमानस्थलमा टर्मिनल भवनको शिलान्यास

इन्द्रेणी संवाददाता

दाङ, २१ माघ । दाङको टरिगाउँ विमानस्थलमा टर्मिनल भवनको शिलान्यास गरिएको छ । रु. ५८ लाख २७ हजारको लागतमा निर्माण हुन लागेको भवनको आज सोमवार तुलसीपुर उपमहानगरपालिकाका मेयर घनश्याम पाण्डेले शिलान्यास गरेका हुन् ।

उक्त टर्मिलन भवन उद्घाटन गर्दै मेयर पाण्डेले यो भवन निर्माण भएपछि यहाँको हवाइ सेवा अझ थप व्यवस्थित हुने बताए । भवनमा शौचालयसहित यात्रुहरुका लागि हल, सुरक्षा जाँच, एयरलाइन्सको लागि दुई वटा कोठा, यात्रुहरुको सबै सामान जाँच गरिसकेपछि बाहिर निस्कन नमिल्ने खालको सुविधा हुनेछ ।