इन्द्रेणी संवाददाता
दाङ, १७ पुस । दाङको घोराहीमा रहेको राप्ती उपक्षेत्रीय अस्पताललाई राप्ती स्वास्थ्य विज्ञान प्रतिष्ठान बनाएपछि विरामीबाट लिइने सेवा शुल्कलाई बृद्धि गरिएको छ ।
तत्कालिन राप्ती उपक्षेत्रीय अस्पतालले निःशुल्क रुपमा विरामीलाई प्रदान गर्दै आएको वेडको शुल्क अहिले प्रतिदिन २ सय २० रुपैयाँ कायम गरिएको छ ।
प्रतिष्ठानको यो शुल्क बृद्धिले तत्कालिन राप्ती उपक्षेत्रीय अस्पताल राप्ती स्वास्थ्य विज्ञान प्रतिष्ठान भएको खुशी भएका आम दाङवासी एवं सेवा ग्राहीहरु निराश भएका छन् । बृद्धि भएको यो शुल्कले अब प्रतिष्ठानमा सरकारी सुविधा नभएको अनुभूति भएको सेवा ग्राहीहरु बताउछन् ।