सगरमाथा सिमेन्ट उद्योगको भवनमा आगलागी

दाङ, १२ पुस । दाङको घोराही गोग्लीमा रहेको सगरमाथा सिमेन्ट उद्योगमा आगलागी भएको छ ।

उद्योगको निर्माणाधिन सिएसपी भवनमा आगलागी भएको जिल्ला प्रहरी कार्यालय दाङले जनाएको छ । डिएसपी रामप्रसाद घर्तीका अनुसार निर्मानाधिन सिएसपी भवनको करीव ३५ मिटर माथि आगो लागेको हो ।

आगो नियन्त्रणमा आइसकेको छ भने यसबाट भौतिक रुपमा केही क्षति भएपनि मानवीय क्षति भने नभएको बताइएको छ । आगलागीबाट प्लाई, वल्डिङ मेसिन ५ वटा, ग्रिल मेसिन र ३ वटा ग्यास सिलिन्डरमा क्षति भएको बताइएको छ ।