तुलसीपुर, १५ कात्तिक । यातायात व्यबस्था कार्यालय राप्तीले बिजौलियालाई प्रवेशमा रोक लगायको छ । सेवाग्राहीहरुले यातायातमा बिचौलियाहरुको विगविगी भएको गुनासो गर्न थालेपछि कार्यालयले बिचौलियाहरुलाई प्रवेशमा रोक लगाएको हो ।
जसले गर्दा सेवाग्राहीहरुले सहज रुपमा सेवा लिन पाएको प्रमुख ढकालले बताए । बिगत एक महिना देखि बिचौलियालाई प्रबेश निषेध गरेपछि अहिले सेवा प्रवाहमा समेत छिटो, छरितो, चुस्ट, दुरुस्त भएको उनको भनाई छ । सेवाग्राहीले यातायातलाई हेर्ने दृष्टिकोणमा परिबर्तन गर्न समेत यस्ले निकै मद्दत पु¥याएको प्रमुख ढकालले बताए ।
अहिले बिगत भन्दा सेवाप्रवाहमा छिटो, छरितो भएको सेवाग्राही लमहीका नेपबहादुर चौधरीले बताए । बिगतमा बिचौलियाहरुकै कारण सोझासाझा सेवाग्राहीले सवारीचालक अनुमति पत्रको राजश्व बुझाउन पनि घण्टौ लाईनमा बस्नु पर्ने भएपनि अहिले उक्त समस्या समाधान भएको उनको भनाई थियो ।