इन्द्रेणी संवाददाता
दाङ, १५ कार्तिक । जिल्ला प्रहरी कार्यालय दाङले चाडपर्वको समयमा शान्ति सुरक्षा कायम गर्न योजना बनाएको जनाएको छ । नेपालीहरुको दोस्रो ठूलो पर्व तिहार नजिकिदै गर्दा यो समयमा मदिरा सेवन गरेर होहल्ला गर्नेलाई नछोडने एसपी कृष्णहरि शर्माले बताए ।
उनले तिहारमा खेलिने देउसी भैलोलाई मर्यादित बनाउन पनि स्थानीय निकायहरुसँग समन्वय भएको बताए । देउसी भैला खेल्ने समूहले नजिकको प्रहरी कार्यालय अथवा गाउँपालिका, वडा कार्यालयमा निवेदन दिनुपर्ने समेत एसपी शर्माले बताए । यसो गरिएपछि दर्ता भएको समूहको प्रमुखले सुरक्षाको समेत जिम्मेवारी लिने उनको भनाइ छ ।