तुलसीपुर १७ जेठ । तुलसीपुर उपमहानगरपालिका वडा नम्वर ७ मा महिलाहरुलाई आयआर्जनका लागी बाख्रा बितरण गरिएको छ । तुलसीपुर उपमहानगरपालिका साविक वडा नम्वर ३ को अन्य लक्षित शिर्षकको ६५हजार बजेट बाट श्रीगणेश नागरिक सचेतना केन्द्रका महिलाहरुलाई बाख्रा बितरण गरिएको हो ।
क्रमिक रुपमा सवै महिलाहरुलाई बाख्रा बितरण गरिने भन्दै यसवर्षको बजेट बाट बाख्रा प्राप्त गर्ने महिलाहरुले उदाहरणिय रुपमा बाख्रा पालन गर्न आग्रह गरे । सो अवसरमा कार्यपालिका सदस्य चित्रा मल्ल , वडा सदस्यहरु राम बहादुर जिसी, निराजन केसी, नागरिक सचेतना केन्द्रका संयोजक कृष्णा बिक लगाएतकाले बोलेका थिए ।