इन्द्रेणी संवाददाता
दाङ, १३ फागुन । दाङमा आज घरघरमा पुगेर हात्तीपाइले रोगविरुद्धको औषधि खुवाइदैछ । जिल्ला जनस्वास्थ्य कार्यालयबाट खटिएका कर्मचारहिरुले आज र भोलि घरघरमा गएर हात्तीपाइलेको औषधि खुवाउने छन् ।
जिल्लामा अभियान शुरु भएको पहिलो चरणको सर्भेमा करीव ३० प्रतिशतमा हात्तीपाइलेको संक्रमण भएको पाइएको थियो भने अभियान सञ्चालन भएको ६ वर्षको सर्भेमा त्यो तथ्याङ घटेर १२ प्रतिशत भएको पाइएको थियो ।
केही महिना पहिलेमात्रै भएको सर्भेमा ६ प्रतिशत अझै रोग निवारण हुँना बाँकी रहेको देखिएको थियो । विश्वस्वास्थ्य संगठनका अनुसार कुनै पनि ठाउँमा २ प्रतिशतभन्दा कम रोग देखिएमा त्यसलाई हात्तीपाइले रोग निवारण भएको मानिन्छ । यो औषधि २ उमेर पुगेका व्यक्तिहरुले सेवन गर्न सकिन्छ भने गर्ववती महिला तथा दिर्घ रोगीले सेवन गर्न हुँदैन ।