इन्द्रेणी संवाददाता
दाङ, ११ माघ । दाङको नारायणपुरमा भोली शुक्रवारदेखि महोत्सव सुरु हुदैछ । माघ २३ गतेसम्म सञ्चालन हुने महोत्सवको सम्पूर्ण तयारी पुरा भएको आयोजक नारायणपुर उद्योग वणिज्य संघले जनाएको छ ।
महोत्सवको उद्घाटन प्रदेश सभा सदस्य अमरबहादुर डाँगीले उद्घाटन गर्ने छन् ।उद्घाटन अघि शोभायात्रा गरिने र शोभायात्रा उपसमितिका संयोजक अनिल बस्नेतले बताए ।
महोत्सवमा मौताका कुवा, झुला पिङ, ढुंगा पिङ, ब्रेक डान्स, बालबालिकाहरुका लागि खेलौना एवं बाल उद्यानका सम्पूर्ण सामग्रीहरु रहेका छन् । २ सय ३० स्टल रहेको महोत्सवमा कृिष, पर्यटन एवं व्यपारिक स्टलहरु रहने छन् ।
महोत्सवमा प्रवेशका लागि ५० रुपैयाँको टिकटको व्यवस्था गरिएको छ । टिकटमा विद्यार्थीहरुका लागि विशेष छुट, ७५ वर्षभन्दा माथि उमेरका जेष्ठ नागरिक एवं क र ख वर्गको परिचयपत्र भएका अपांगहरुकालागि निशुल्क प्रवेशकालागि फोटोसहित पास उपलब्ध गराइने छ ।