सन्तोष दहित
दाङ । थारु समुदायको महान पर्व माघी नजिकैगर्दा गाउँदेखि शहरसम्म माघी चहलपहल बढ्दै छ । माघी आउन करिब एक हप्ता बाँकी भएपनि गाउँदेखि शहरसम्म माघी महोत्सवको तयारी भइरहेकोछ । कतै माघी विशेष साँस्कृतिक कार्यक्रम आयोजना गरिएको छ भने कतै माघी महोत्सव । खासगरि थारु समुदायको बाहुल्य रहेको जिल्लामा माघीको चहलपहल बढिरहेको छ ।
उहाँको अनुसार विशिष्ट आतिथिमा श्रम तथा रोजगार राज्य मन्त्री डिल्लीबहादुर चौधरी, थारु सांसद मेटमणी चौधरी, इन्द्रजीत थारु, धम्कली चौधरी लगायत नेताहरुको उपस्थिति रहने छ । त्यसैगरी हमार दंगीशरण क्लवको आयोजनामा पुस २७ र २८ गते दंगीशरण गाउँपालिका– ३, हेकुलीमा पनि गाउँपालिका स्तरिय माघी विशेष साँस्कृतिक कार्यक्रम भइरहेको छ । त्यसैगरी माघी विशेष साँस्कृति कार्यक्रम दाङका राप्ती गाउँपालिका, गढव गाउँपालिका लगायत विभिन्न ठाउँमा माघी साँस्कृतिक कार्यक्रम आयोजना गरिएको थारु कलाकार संघका अध्यक्ष शालिकराम चौधरीले जानकारी दिनुभएको छ ।
महोत्सव मुल आयोजक समितिका संयोजक तेजमान चौधरीका अनुसार विशिष्ट अतिथीमा थारु सांसद मेटमणी चौधरी, शान्ता चौधरी, डिल्लीबहादुर चौधरी, इन्द्रजीत थारु, धम्कली चौधरी, घोराही उपमहानगरपालिकाका प्रमुख नरुलाल चौधरी लगायत विभिन्न पार्टीका नेताहरुको उपस्थिति रहने छ ।
त्यसैगरी माघी महोत्सवममा ४ दर्जन भन्दा धेरै थारु मघौटा नाचको प्रतियोगिता गरिने महोत्सव मुल आयोजक समितिका सदस्य केवि चौधरीले जानकारी दिनुभयो । उहाँको अनुसार थारु परिकार, थारु गरगहना लगायतको प्रर्दशनी गर्ने कार्यक्रम रहेको छ ।