युवाहरुलाई स्वदेशमै रोजगारी श्रृजना गर्न मन्त्रालयकोे गृहकार्य जारी छ : राज्यमन्त्री चौधरी

शरद रेग्मी
दाङ, १० भदौ । श्रम तथा रोजगार राज्यमन्त्री डिल्लीबहादुर चौधरीले युवाहरुलाई नेपालमै रोजगार दिलाउन आफु लागिपर्ने बताएका छन् ।

मन्त्री भएपछि पहिलो पटक गृह जिल्ला दाङ आएका चौधरीले देशमै रोजगारीको श्रृजना गरेर युवाहरुलाई रोजगारी दिलाउन मन्त्रालयले गृह कार्य गरिरहेको जानकारी दिए ।

तुलसीपुरमा रिपोटर्स क्लब नेपाल दाङ शाखाले आयोजना गरेको बधाई तथा साक्षात्कार कार्यक्रममा मन्त्री चौधरीले धेरै भन्दा धेरै युवाहरुलाई रोजगारी दिनका लागी बिभिन्न रोजगारमुखी तालिम संचालन गर्ने पनि बताए ।