जनजाती पत्रकारका लागि खोजि पत्रकारिता तालिम हुने

घोराही, २० जेठ । जिल्लामा क्रियासिल आदीबासी जनजाती पत्रकारहरुका लागि दुई दिने खोजी पत्रकारीता तालिम सञ्चालन हुने भएको छ । आदीवासी जनजाती महासंघ फोनिज दाङले जेठ २६ र २७ गते जिल्ला समन्वय समिति दाङको सहयोगमा तालिम सञ्चालन गर्ने भएको हो ।

आदिबासी जनजाती पत्रकार महासंघ फोनिज दाङ शाखाको शुक्रबार घोराहीमा सम्पन्न बैठकले तालिम सञ्चालन गर्ने निर्णय गरेको हो । यसैबीच फोनिज दाङ शाखा अध्यक्ष प्रेमबहादुर राम्जाको अध्यक्षतामा बैठक बसी सल्लाहकार समिति गठन गरेको छ ।

सविन प्रियासनको संयोजकत्वमा पाँच सदस्यीय सल्लाहकार समिति गठन गरेको हो । सदस्यहरुमा फोनिजका केन्द्रीय सदस्य रीता लामा, देबिका जिएम, उदय जिएम, लक्ष्मीमान चौधरी, प्रकाश चौधरीलाई सल्लहाकार चयन गरेको छ ।