दाङमा भैँसीले लतार्दा एक महिलाको ज्यान गयो

दाङ, २२ चैत । दाङमा भैंसीले लतार्दा एक जना महिलाको ज्यान गएको छ । दाङको बबई गाउँपालिका वडा नं. ६ बुटकेवाका २६ वर्षकी कौशीला चौधरीको ज्यान गएको हो ।

भैसीलाई चराएर पानी खुवाउनका लागि दाम्लो बाँधेर लैजाने बेला भैँसी दौडेर लतारेपछि चौधरीको ज्यान गएको हो । भैँसीले लतारेर गम्भीर घाइते भएकी चौधरीलाई उपचारका लागि तुलसीपुर लैजादै गर्दा मृत्यु भएको बताइएको छ ।